Nykkelklar einebustad med stor tomt og dobbel carport.

Nykkelinformasjon

Ny einebustad for salg
No kan du sikre deg hus på ei av dei flottaste tomtene i det kommunale byggefeltet i Øyfjell. Flyt rett inn i eit nytt, brukarvenleg, vedlikehaldsenkelt og energieffektivt bustadhus med dobbel carport.

Huset er over eit plan med to bad, tre soverom (mogelegheit for fire) og ei moderne romløysing.

Bustaden vert bygd med moderne teknikkar med framtidsretta oppvarmingsbehov. Hovudvarmekjelda er vedovn i kombinasjon med vannbåren varme. Ventilasjon med varmegjenvinning.

Den store tomta på 2,4 mål gjev gode mogleghetar for å utvikle området etter eige ynskje. 
Eigedomen er i utgangspunktet ei naturtomt og arealet som vert berørt av bygging vert grusa/sådd til.

Huset egnar seg svært godt for familiar, men og for einslege eller godt vaksne med behov for ekstra soverom, kontor eller liknande.

Løysingar utvendig er gjort med tanke på haldbarhet og bekymringsfritt vedlikehald; utvendig beisa furukledning, lakkera stålrenner og beslag og impregnert terassedekke.
Materialvalg er og gjort med tanke på lang levetid.